LEGAZPI CITY – Napabale sa listahan kan mga drug cleared barangays an 3 barangay gikan sa provincia kan Albay.
Segun ki Philippine Drug Enforcement Agency Albay Provincial Director Noe Briguel sa intrevista kan Bombo Radyo Legazpi na isinagibo ini sa Regional Oversight Committee on deliberation and declaration of drug-cleared barangays kun sain nagpartisipar man an provincia.
An nasabing mga bagong drug cleared barangays an gikan sa ciudad asin banwaan kan Daraga, Oas, asin Tabaco City.
Maugma niya man na ibinareta na 100% cleared na an banwaan kan Oas sa huma kan ilegal na droga.
Pigtaram pa kan opisyal na inaprubaran man kan Regional Oversight Committee on Barangay Drug Clearing an issuance of resolution kan certificate of no active drug personality sa 40 mga barangay, retention sa mga dati nang nakumpirmang drug-free status sa 40 mga barangay asin retention kan drug-cleared status sa 1,157 barangays sa enterong rehiyon.
Nagpapahiling suboot ini na nagampanan kan mga opisyal an saindang mandato sa pagmamantenir kan saindang lugar bilang drug cleared Barangay.
Afuera sa Oas, an makakaibahan kaini an Jovellar, Malilipot asin Camalig sa mga banwaan sa provincia na nagkatarawan nin Honra bilang Drug Cleared Municipalities.
Paglilinaw ni Briguel na maagi man giraray sa deliberation nganing makalaog an sarong lugar sa drug cleared cities and municipalities maski gabos na sakop kaini an naideklara bilang drug cleared barangay.
