LEGAZPI CITY – Suportado kan mga kapulisan sa provincia kan Sorsogon mapadapit sa special physical fitness program na ipigsugo ni Philippine National Police (PNP) Chief PGen. Nicolas Torre III.
Segun ki Sorsogon Police Provincial Office Spokesperson Police Major Arwin Destacamento sa intrevista kan Bombo Radyo Legazpi na haloy na ining pig-papaotob kan mga dating PNP chief an kaparehong kasuguan kun kaya bako na ini bago sa saindang paghiling.
Magayon man suboot ining inisyatiba huli ta masusubaybayan an salud kan mga kapulisan asin nganing mairayo an mga ini sa mga helang huli sa maluya na resistensya kan hawak.
Ipinunto man niya na mapapagalan an mga kapulisan na magbukod asin magresponde sa mga krimen kun igwa sinda nin matatabang pangangatawan.
Pigtaram pa kan opisyal na magigin tabang na man ini sa mga kapulisan nganing ma-obliga sinda na magbawas nin timbang asin magsunod sa ipigpa-otob na regulasyon sa laog kan kagawaran.
Magigin giya man suboot sa saindang pagbabawas nin timbang kan sarong pulis an kabilugang resulta kan saindang mga body mass index.
Base man sa saindang obserbasyon an may mga kapulisan sa saindang provincia an igwa nin matataba kun kaya labing kaipuhan an pagsunod sa programa nganing mabalik an saindang physical fitness.
Pagdoon pa ni Destacamento na kaipuhan na tawan nin oras an pagbabawas nin timbang huli ta may posibleng ibase sa saindang hawak an pagkakaigwa nin ranggo sa laog kan kapulisan.
 Chief PGen. Nicolas Torre III.){kind=link}