Padagos na pighahanap kan pulisya an mga suspek sa pamambabadil sa duwang habal-habal driver na nag-agi sana sa Zone 8, Brgy Villa Rosario, Brgy Casinglot, Tagoloan, Misamis Oriental.
Ini an makalihis pagbabadilon kan saro sa mga suspek gamit an kalibre .45 na badil an biktimang si Junryl Jarales, 41 anyos, residente kan Brgy Baluarte, asin nairido an kaiba kaining si alyas Survivor, na residente pa man kan nasabing banwaan.
Sinabi ni Tagoloan Police Station commander Major Renz Serrano na wara pa sindang person of interest sa insidente alagad pighahalat ninda si alyas Survivor na matawan sinda nin impormasyon mapadapit hitsura kan mga salarin.
Pangenot na motibo suboot kan mga suspek na habunon an mga motorsiklo kan mga biktima huli ta pinasakay na ninda an mga ini sa pigmamanehong bao-bao o tricab bago sinda mabadil.
Pinagbabadil an mga ini na nagin kawsa kan pagkabadil sa payo ni Jarales na ikinagadan kaini mantang tinamaan man sa tikab si alyas Survivor.
Nakahagad nin tabang si alyas Survivor kun kaya naman marikas na nakaresponde an mga pulis.
