LEGAZPI CITY—Arestado kan Legazpi City Police Station an sarong lalaki sa kaso kaining Reckless Imprudence Resulting in Homicide sa ciudad kan Legazpi, provincia nin Albay.
Segun ki Legazpi CPS PIO PEMS Carlos Paña, sa intrevista kan Bombo Radyo Legazpi, an suspetsado sarong 54-anyos, soltero asin residente kan Brgy. 29-Sabang, Legazpi City, Albay.
Naarestar ini sa bisa kan Alias Warrant of Arrest na ipinaluwas kan RTC Branch 33, Pili Camarines Sur asin may pigrerekomendang piyansa nin P30,000 para sa temporamenteng libertad.
Mientrastanto, pig-engganyar man kan Legazpi PNP an kooperasyon kan publiko na makipagtabangan ngani na tulos na maarestar an mga indibidwal na may paninimbagan sa ley.
