LEGAZPI CITY- Pinuunan na kan lokal na gobierno kan Camalig an dry run para sa QR code system bilang parte kan tourism promotion kan banwaan.
Segun ki Camalig local government unit spokesperson Tim Florece sa intrevista kan Bombo Radyo Legazpi na obheto kan lakdang na makapagtao nin impormasyon asin accesibility sa mga turista na mapasyar sa banwaan.
Napag-araman na diit na pag-aadal asin assesment na sana an gigibuhon ngani na dagos na mapuunan an implementasyon kan programa.
Paliwanag kan opisyal na target na maimplementar an nasabing QR code system sa ika-tulong quarter kan taon.
Segun ki Florece na i-install an nasabing QR code sa mga lugar asin pasyaran na madaling mahiling kan mga turista para sa mas madaling access sa mga restaurants, hotels, hotline kan mga uniformed personnel asin iba pa.
Duwa sa mga prayoridad kaini an enviromental protection asin an seguridad kan mga turista.
Mientras tanto, sa paagi kan bagong programa naglalaom an lokal na gobierno na mas madakol pa an tourist arrival na dakulang tabang para sa banwaan.
