LEGAZPI CITY-Ipinahiling kan Bureau of Fire Protection (BFP) sa sarong palace press briefing an aktuwal na insidente nin pagkasulo kan MV June Aster sa paagi kan Artificial intelligence (AI) re-enactment.
Nareparo na nagkasulo an barko kan September 9, 2026, harani sa Coron, Palawan, na nagresulta sa kagadanan kan nasa 77 pasahero.
Sa paliwanag na ipinagtao posibleng nagkawsa nin pagkalayo an paghahalo-halo kan aspalto asin chlorine na kargamento kan barko na nakapwesto sa exhaust kan mismong makina.
An aso hale sa kasulo an posibleng nagin kawsa man kan suffocation kan mga biktima antes pa sinda nagkaigwa nin oportunidad na makaligtas hale sa nasusulong na barko.
Sa pinakahuring report kan Philippine Coast Guard (PCG), 66 sa 77 na nagadan an namidbid na, mantang 11 an padagos pa man giraray na pigsasairarom sa identification process.
