LEGAZPI CITY-Kinuwestyon kan kampo ni Vice President Sara Duterte an akusasyon kan administrasyong Marcos na political persecution sa National Bureau of Investigation’s (NBI) probe huli sa suboot ‘discrepancies’ sa Statements of Assets, Liabilities and Net Worth (SALNs) kan Bise.
Sinabi kan spokesperson ni Duterte na si Salvador Paolo Panelo Jr., an findings kan NBI sarong “shameless smear campaign” asin pig-kwestyon an desisyon kan bureau na isapubliko an suboot propriedad antes an pormal na pag-notify sa Vice President asin pagtao saiya nin opurtunidad na magresponde.
Pig-kritiko man ni Panelo si NBI Director Melvin Matibag para sa bagay na ini asin pigsasabi na an pagsapubliko kan findings antes na i-turn over sa Office of the Ombudsman.
Nanindugan man siya na an nasabing lakdang, nag-limita kay Duterte na magkaigwa nin preparasyon ngani mag-responde sa nasabing mga alegasyon.
Pignegaran man kan kampo an nakalihis na mga alegasyon ni Matibag katakod kan isyu kun sain imbuelto an proyekto ni Rodulfo Gracioso.
Tinawan doon pa kaini na an mga alegasyon na ini, sarong political persecution asin igwang bias.
