LEGAZPI CITY-Inako ni National Bureau of Investigation (NBI) Director Melvin Matibag na kaiba an saiyang agom na si Laguna 1st District Representative Ann Matibag sa mga mambabatas na nagsuporta sa impeachment complaint laban kay Vice President Sara Duterte.
Alagad nilinaw ni Matibag sa paglilitis na hiwalay an trabaho kan saiyang agom bilang kongresista sa saiyang tungkulin bilang pinuno kan NBI.
Segun sa saiya, dai naimpluwensiyahan kan saiyang agom an saiyang trabaho, asin patas suboot siya sa saiyang piggagampanang tungkulin.
”The job of my wife as a legislator is totally detached from me, being the director of the National Bureau of Investigation,” he added,” pahayag ni Matibag makalihis hapoton sa ika-walong aldaw na impeachment trial ni VP Sara.
Sinabi man ni Matibag na nagtugot siyang magtestigo makalihis siyang imbitaran kan House prosecution panel.
Dagdag pa niya, handa man siyang magtestigo para sa kampo kan depensa kun siya an inimbitaran.
“From my understanding, in the pre-trial order, I was also listed by the defense. I will be gladly witness for the defense as well, if I will be called upon,” sinabi kan NBI chief.
Mientras tanto, ipinaglalaban man kan House prosecution panel si Matibag.
Segun kay House prosecutor asin Bicol Saro Party-list Representative Terry Ridon, dai kaipuhan na magpaaram kan kongresista sa saiyang agom sa mga desisyong pigsasagibo kaini bilang halal na kinatawan kan saiyang distrito.
Tinawan doon man ni Ridon na parehong igwang sadiring desisyon an mag-agom sa kanya-kaniyang tungkulin, kaya dai dapat kwestiyunon an kredibilidad kan NBI director bilang testigo huli sana sa nagin posisyon kan saiyang agom sa impeachment.
