Inihayag kan National Bureau of Investigation na saindang plano man na surion o imbestigaran ang SALN o Statement of Assets, Liabilities and Net Worth ni Davao City 1st District Rep. Paolo ‘Pulong’ Duterte.
Segun ki NBI director Melvin Matibag, kinakaipuhan na mahiling an laog kan SALN kan nasabing lehislador.
Kaya hihilingon kan NBI an mga pagrugaring na idineklara ni Rep. Pulong Duterte sa saiyang SALN matapos sana na imbestigaran an sa tugang kaining si Vice President Sara Duterte.
Alagad pignigaran suboot kan lehislador na saiya an sinasabing pagrugaring na kataning kan sarong resort sa Davao City sa pagtubod na wara pang titulo o Transfer Certificate of Title.
Mantang kasabay man kaini binasag niya an paratang na ang pigggibong pag-iimbestiga kan ahensya sa mga Duterte an maikokonsiderar na ‘trial by publicity’.
Tinawan-doon kaini na nakabase sa ebidensya ang proseso kan saindang imbestigasyon asin an lakdang ninda an pighahanap man suboot kan taumbayan o may pampublikong interes.
Mientrastanto, nagheras si Matibag nin paglilinaw mapadapit sa sarong resort na sinasabing pagrugaring man suboot kan pamilya Duterte.
Saiyang nilinaw na bako Casas Con Vistas Resort ang tinutukoy kan NBI, kundi ang kataning kaini iyo an pagrugaring suboot ni Rep. Pulong Duterte.
Ipigngangalas niya sa nasabing resort kun nata kaini pigsasabing nadamay sinda urog na an solamenteng nabanggit an kataning na pagrugaring suboot kan lehislador.
