LEGAZPI CITY—Arestado an sarong lalaking nahahampang sa kasong Grave Threats sa ikinundusir na Manhunt Charlie Operation kan mga otoridad sa Brgy. Bañag, Daraga, Albay.
Binisto an akusado na si alyas “July”, nasa legal na edad, warang agom asin residente kan nasabing lugar.
Nahahampang ini sa kasong Grave threats sa irarom kan Art. 282, Paragraph 1 kan Revised Penal Code na may piyansang P36,000.
Ginibo an operasyon kan mga operatiba kan Daraga Municipal Police Station, Regional Maritime Unit 5 (RMU 5) asin Regional Special Operating Team sa bisa kan warrant of arrest na iniluwas kan korte sa Daraga, Albay na may petsang Oktubre 6, 2026.
Sa ginibong beripikasyon hale sa Investigation Solution Automatic Verification (ISAV), ang akusado an may dating record sa Crime Information, Reporting and Analysis System (CIRAS) para sa Alarm and Scandal (Solved), Anti-Child Abuse Law (Cleared), asin Malicious Mischief (Cleared).
Afuera digdi, nairehistro man an parehong rekord nin reklamo para sa Alarm and Scandal (Under Investigation) sa Crime Information, Reporting and Analysis System and e-Rogue.
Sa presente nasa kustodiya na ini kan Daraga MPS para sa magkakanigong disposisyon.
