LEGAZPI CITY-Direktang nangapudan si World Health Organization (WHO) Director-General Tedros Adhanom Ghebreyesus sa mga residente kan Tenerife, Spain na magtenir na kalmado kasunod kan pag-abot kan cruise ship na MV Hondius na igwang hantavirus case.
Sa saiyang mensahe, sinabi ni Tedros na dai dapat ikumpara an sitwasyon sa COVID-19 pandemic sa hantavirus huli ta hababa an tsansa kan peligro kaini sa publiko.
Aminado siyang seryoso an Andes strain kan hantavirus makalihis magadan an tulong pasahero kaini, alagad pigsierto ninda na wara nang nagpapahiling nin sintomas sa presente sa mga lunad kan nasambitang barko.
Ipinaliwanag ni Tedros na mahigot an plano kan Spain na pagpapa-ebakwar kan mga pasahero kun sain dadarahon sinda sa industrial port kan Granadilla asin direktang iuuli sa kanya-kanyang nacion alagad dai makakahawa sa publiko.
Pinasalamatan man niya an mga residente kan Tenerife sa pagtanggap sa barko bilang parte kan international cooperation.
Segun pa sa World Health Organization Director, personal siyang nagduman sa Tenerife ngani bantayan an operasyon asin magtaong-honra sa ipinahiling na malasakit asin pakikisumaro kan mga residente asin otoridad sa nasabing lugar.
