Nilinaw kan Department of Migrant Workers o DMW na wara sa mga Pilipinong crew members kan MV Hondius cruise ship na presenteng naka-quarantine sa Netherlands ang nagpositibo sa hantavirus.
Ginibo an pahayag makalihis kumpirmahin kan Dutch health authorities na sarong crew member kan barko an isinugod sa ospital matapos magpositibo sa naturang virus mantang nasa quarantine.
Dae naman isinapubliko ang nasyonalidad kan nasabing crew member.
Segun sa ahensya, bako Pilipino ang crew member na nagpositibo sa hantavirus asin nasa maray na kamnugtakan suboot an 38 Filipino crew members na naka-quarantine sa Netherlands.
Sinabi man kan Dutch National Institute for Public Health and the Environment na isinairarom sa isolation asin dinara sa ospital an crew member bilang pag-iingat habang nagpapadagos an monitoring sa kamugtakan kaini.
An MV Hondius an isinaiarom sa quarantine makalihis an naireport na kaso kan hantavirus, sarong helang na pwedesir maipara sa tawo hale sa pirang klase nin daga asin iba pang rodents.
