LEGAZPI CITY—Sarong good news para sa mga paratukdo an pag-anunsyar kan Department of Education (DepEd) nin “wellness break” puon Oktubre 27 sagkod 30.
Obheto kan wellness break na matawan an mga paratukdo asin estudyante nin pahingalo asin pagrekober hale sa mga nakaaging kalamidad asin paglakop nin helang na trangkaso.
Segun ki Alliance of Concerned Teachers Philippines National Chairperson Ruby Ana Bernardo, sa intrevista kan Bombo Radyo Legazpi, sinabi sainda kan mga paratukdo na hagadon sa gobierno an saindang pangapudan na gibohong aldaw nin pahingalo an Oktubre 27 sagkod 30 para na man sa saindang mental health asin physical wellness.
Dugang ni Bernardo na pangapudan pa kan saindang grupo sa mga haralangkaw na opisyal kan DepEd na dae muna pagtawan nin trabaho an mga paratukdo sa mga nasabing petsa huli sa nadificilan man sinda na magtao nin dekalidad na mga leksyon urog na kun pagal an saindang mga personahes.
Afuera digdi, nangangapudan man sinda na dapat i-check kun gurano kaligtas an mga school buildings huli sa an iba digdi an bako laog sa dapat na standard na konstruksyon na nakadugang man sa pagkahadit kan mga paratukdo.
