LEGAZPI CITY — Dae na nakadulag pa an sarong wanted na persona makalihis na maarestar kan mga otoridad sa ikikondusir na operasyon kan mga kapulisan.
Segun sa impormasyon, isinirbe kan Albay Criminal Investigation and Detection Team (CIDT) an mandamiento de aresto kontra sa suspek na si Noel Naz.
Segun ki Kapitan Joselito Martinez kan San Roque syudad kan Legazpi, dati na man suboot na nagsurendir an suspek sa mga otoridad katakod kan Oplan Double Barrel Alpha alagad nagbalik giraray ini sa saiyang iligal na mga aktibidad.
Sa ngunyan, nasa kustodiya na kan kapulisan an suspek para sa tamang disposisyon.
Mientrastanto, inako man kan kapitan na paramientras na nagin trangkilo an saindang barangay makalihis na maarestar an saro sa mga pinakadakulang suplayer nin droga alagad sa ngunyan igwa na naman suboot sindang grupo na pigbabantayan.
