LEGAZPI CITY—Pighayag kan mga otoridad na nagin matoninong an pag-obserbar kan Semana Santa 2026 sa Legazpi City.
Segun ki Legazpi City Police Station Officer-in-Charge Police Lieutenant Colonel Arthur Tagtag, sa intrevista kan Bombo Radyo Legazpi, na nagin maray man an paz y orden asin public safety sa ciudad durante kan nasabing aktibidad.
Dugang niya na nagin maayos man an saindang pagmanehar kan trapiko sa ciudad katabang an Legazpi City Public Safety Office.
Alagad nakapagrehistro man nin sarong insidente nin pagkalamos partikularmente sa baybayon kan Barangay Arimbay kan nasabing ciudad.
Pigdoon man kan opisyal na mantinido man giraray sindang naka-full alert katakod na man kan pag-obserbar kan summer vacation.
Mientrastanto, pig-abisuhan man ni Tagtag an mga motorista na pabalik na sa saindang mga trabaho na magsunod sa mga batas trapiko nganing malikayan an anumang insidente.
