LEGAZPI CITY—Pighayag kan Legazpi City Water District na igwa nin water interruption puon alas-9 nin banggi kan Sabado, Abril 11, hasta alas-5 nin aga kan Domingo, Abril 12 huli kan 8-hour plant shutdown kan PhilHydro.
Segun ki Legazpi City Water District General Manager Rico Salazar, sa intrevista kan Bombo Radyo Legazpi, kabale sa mga apektadong barangay an Barangay 1-41 asin Barangay 57-59 huli sa pagpakarhay kan Booster Pump 1 asin discharge pipeline.
Piglalaoman man na magigin brown an kolor kan tubig pagkatapos nin alas-5 kan pagkaaga huli sa gigibohon na flushing.
Dugang niya na pwedesir man abuton nin hasta 24 oras bago maglinaw an tubig asin makakaeksperyensya an gabos nin low water pressure to no water pressure.
Mientrastanto, sinabi man ni Salazarna pwedesir man mag-apod sa saindang opisina sa paagi kan customer service hotlines siring kan 09202706621 o 09930733497 pagkatapos kan alas-5 kan pagkaaga nganing matabangan sinda na mag-monitor kun sain pa an mga lugar na igwang brown na kolor na tubig asin may maluluya pang water pressure.
