LEGAZPI CITY-Inanunsyo ni President Ferdinand Marcos Jr. an panibagong bawas-presyo sa mga produktong petrolyo na piglalaoman ngonian na semana.
Pigkakarkulong mababa an presyo kan diesel nin haros P24.94 kada litro, mantang P3.41 naman sa gasolina asin P2.00 sa kerosene.
Enkaso maipaotob na an nasabing bawas-presyo, nasa P107.40 kada litro na an diesel, mantang P92.20 naman an posibleng presyo kan gasolina.
Mientras tanto, posibleng mag-abot sa P138.87 an presyo kan kerosene.
Sinabi ni Marcos na mas dakula an rollback na ini kumpara sa naenot na bawas-presyo asin piglalaoman na magtatao nin ginhawa sa publiko.
Kasabay kaini, pigenganyar niya an mga oil companies na ipaotob nin bilog, tama, asin warang pagkaantala an mga rollback sa presyo kan langis.
Ini na an ikaduwang magkasunod na semana kan pagpapaotob nin rollback makalihis an serye kan paglangkaw kan presyo huli sa tensyon sa pagultanan kan Estados Unidos asin Iran kan Pebrero na nakaapektar sa presyuhan kan produktong petrolyo.
