Kinumpirmar kan mga awtoridad na nagtutugma sa initial findings kan National Bureau of Investigation (NBI) ang viral dashcam footage sa Kennon Road, Benguet, kun saen nahiling si dating Department of Public Works and Highways (DPWH) Undersecretary Catalina Cabral na nakatukaw sa tinampo bago an saiyang pagkagadan kan Disyembre 18.
Napatunuyan man kan Philippine National Police (PNP) asin Department of the Interior and Local Government (DILG) Secretary Jonvic Remulla na an selfie photo kan driver ni Cabral an totoo asin nagtutugma sa tawong nasa video.
Nagtatabang man suboot an PNP sa pagkalap nin ebidensyang may kinaaraman ki Cabral na posibleng makatabang sa imbestigasyon sa maanomalyang flood control projects.
Afuera digdi isinagibo man an crime scene reconstruction sa Kennon Road, asin hinanap kan NBI an hotel room ni Cabral kun sain nakumpiskar an mga personal na gamit asin dokumento kaini.
Mientrastanto, an mga hawak ni Cabral an presenteng nasa memorial chapel sa Quezon City.
