Nilinaw kan abogado ni Vice President Sara Duterte an rason kun nata wara ining naideklarar na cash on hand sa saiyang Statements of Assets, Liabilities, and Net Worth (SALN) puon kan 2019.
Ini makalihis na matuyaw sa pagdangog kan House justice committee an suboot kwestyonableng SALN kan bise presidente.
Segun ki Atty. Michael Poa, spokesperson kan defense team ni Vice President Sara, na nakatipon an ini sa irarom kan “others” line item.
Marurumduman na sa pagdangog kan impeachment kontra ki Duterte, nadiskubre na wara ining cash sa bangko sa saiyang deklarasyon kan Statements of Assets, Liabilities, and Net Worth (SALN) puon 2019 hasta 2024.
Paliwanag ni Atty. Poa na sa SALN, igwang real properties asin personal properties kaya sa irarom kan personal properties, an kantidad an pinagsabay sabay na sa ‘others’ na line item.
