Isinumiter na kan Independent Commission for Infrastructure (ICI) an pinal na report sa imbestigasyon sa maanomaliyang flood control projects ki Presidente Ferdinand Marcos Jr.
Segun ki Batangas 1st District Rep. Leandro Legarda Leviste na nasa kamot na kan presidente an desisyon kun ipapaluwas ini sa publiko.
Dugang pa kan lehislador na igwang katampad na huma an pagpapaluwas kan final report para sa komisyon huli ta posibleng magbalos an mga responsable sa korapsyon sa Department of Public Works and Highways enkasong pangaranan an mga ini.
Sa ibong kaini, tinawan duon ni Representative Leviste an importansya kan pagpapaluwas kan pinal na report kaibanan an transcripts sa gabos na pagdangog kan komisyon.
Nagpahayag man nin kamunduan an lehislador na natapos an trabaho kan komisyon na warang closure sa isyu sa flood control projects.
Segun ki Leviste na an silensyong paghali kan komisyon nin warang pormal na executive order hali sa Malacañang an nagwawalat nin urgent concerns sa mga imbestigasyon sa korapsyon sa flood control projects.
An pagtatapos suboot nin warang transparency o tamang proseso, an nagpapapundo sa imbestigasyon katakod kan suboot overpricing, ghost projects asin kickbacks, mga isyu na haloy ng pigkakahampang kan public works.
Pigduon pa kan lehislador na an pagsugo sa mga empleyado na maghali nin silensyon nin warang malinaw na direktiba an nagpapaluya sa kumpiyansa sa commitment kan gobierno para sa reporma.
