Nagpatanid si A sa hampang kan mga local government unit (LGU) na nag-atendir sa ceremonial turn over kan disaster rehabilitation and reconstruction assistance program funds sa Palasyo.
Sa saiyang mensahe sinabi kan Presidente na sisay man na magpapakasasa sa pondong ini an maninimbag sa ley.
Segun sa presidente, igwang P8.5 bilyong pisong pondong itinagama an gobierno para sa mga LGU na naapektaran kan kalamidad puon 2024 hanggang 2026, depende sa saindang pangangaipuhan.
Segun saiya, kwarta ini kan taongbayan, para sa mga nasalanta nin kalamidad, asin bako pondo nganing pagkakitaan, para sa mawot na magpayaman sa tahaw kan naeksperyensyahang pagtios kan mga mga tawong biktima nin trahedya.
Pagdoon kan presidente, bawal ini sa ghost projects, bawal ang komisyon asin sub standard na mga materyales sa mga proyekto.
Kasabay kaini an pag-engganyar sa mga LGU na magsirbi sa saindang mga namamanwaan nin honesto asin itao an serbisyong nararapat para sainda.
