Hinagad ni dating Speaker asin Leyte Representative Ferdinand Martin Romualdez sa Ombudsman napunduhon na an imbestigasyon kontra saiya huli sa suboot pagbayolar sa due process.
Basado sa surat kan kongresista ki Ombudsman Jesus Crispin Remulla, sa paagi kan saiyang abogado, pig-aapod na suboot siya kan Ombudsman asin ni Assistant Ombudsman Mico Clavano bilang master plunderer maski wara pang kaso na naisusunad kontra saiya.
Paliwanag kaini na nahuhusgahan na siya kayakod kan isyu sa maanomalyang flood control projects.
Dagdag pa kaini na an pigigibong imbestigasyon an fishing expedition na sana huli ta garing derterminado nang mausig si Representative Romualdez sa plunder.
Hinagad man kan kampo kan kongresista na mailipat sa independent asin impartial body an imbestigasyon na may kinaaramn sa suboot plunder, money laundering, bribery asin iba pa ngani na maibitaran na mabahiran nin pagigin bias.
