LEGAZPI CITY—Timbog an tolong indibidwal sa ikunundusir na buy-bust operation kan mga otoridad sa Barangay Anislag, Daraga, Albay.
Binisto an mga suspek na sinda alyas “Tig”, “Egan” asin “Ronnie”, nasa legal na edad, asin mga residente kan nasabing lugar.
Nakumpiskar digdi an tolong pidaso nin heat-sealed transparent plastic sachet na may laog nin pigtutubudang shabu kun sain may gabat ining 2.3 gramos asin street value na P15,640.
Afuera digdi, nakumpiskar man sa mga suspek an iba pang drug paraphernalia, buy-bust money, asin sarong improvised shotgun o sumpak.
Ginibo an operasyon sa pinagsarong operatiba kan Daraga Municipal Police Station (Lead Unit), Provincial Intelligence Unit Albay, Philippine Drug Enforcement Agency Albay Provincial Office asin PDEA Regional Office 5.
Sa presente nasa kustodiya na kan Daraga MPS an mga nasabing indibidwal asin nakatalaang sunadan nin kaso sa pagbayolar sa Republic Act No. 9165 o Comprehensive Dangerous Drugs Act of 2002, asin Republic Act No. 10591 o Comprehensive Firearms and Ammunition Regulation Act.
