Kinumpirma kan mga otoridad na dae mababa sa 82 katawo an nagadan makalihis an gas explosion sa sarong coal mine sa Shanxi province sa China.
Basado sa report kna state news agency na Xinhua, nangyari an insidente kan Biyernes nin banggi sa Liushenyu coal mine sa Changzhi city.
Sa pinakahuring briefing kan mga opisyal, kunumpirma kaini na 82 an nagadan asin labi sa 120 an na-ospital mantang duwa an padagos na pinaghahanap.
Segun sa mga opisyal na igwang nadiskubre na seryosong pagbayolar sa operasyon kan minahan, alagad dae pa ipigpapaluwas an kumpletong detalye dapit sa bayolasyon.
Rinibong rescuers asin medical personnel man an tulos na ipinadara sa lugar ngani na magtabang sa search and rescue operations.
Dakol sa mga nairido an naapektaran kan nakakalason na gas.
Mientras tanto, nagluwas man na igwang pagbayolar sa safety protocols kan cole mine, kaibanan an suboot dae pagsunod sa mandatory tracking devices para sa mga obrero asin bako tugma na mining blueprints na itinao sa mga otoridad.
Ipighayag man kan state media na an numero kan mga nasa laog kan minahan kan mangyari an pagsabog an posibleng doble pa sa nakalaag sa opisyal na datos kan kumpanya, na nagpalala pa sa sitwasyon kan rescue operations.
