LEGAZPI CITY-Ikakasa kan grupo nin mga paratukdo an mahiwasang rally sa maabot na Biyernes, Marso 24 ngani ipangapudan an dagdag sahod sa mga paratukdo asin empleyado kan DepEd.
Segun ki Teachers Dignity Coalition Chairperson Benjo Basas, sa intrevista kan Bombo Radyo Legazpi na pangapudan ninda na maisabatas an P15,000 across the board salary increase sa mga mga paratukdo asin DepEd employees.
Kasabay kaini, ipapangapudan man ninda an pagigin maayos kan kalagayan asin malampasan na an krisis sa nacion.
Siring man an pagtatao nin ayuda para sa mga nangangaipo na namamanwaan, pagtugon kan gobierno sa krisis, asin an pagtatapos kan gera sa middle east.
Isasagibo an rally sa venue sa Mendiola sa Maynila asin aatendiran man kan mga grupo hale sa Ilocos asin Bicol Region asin iba pang lugar sa nacion.
Katakod kaini, pangapudan kan opisyal na makisumaro sa protesta huli ta dakulang problema ini asin apektado an gabos na mga namamanwaan orog na an sektor kan transportasyon asin agrikultura
