LEGAZPI CITY-Nangapudan nin psychosocial intervention an Teachers’ Dignity Coalition para sa mga paratukdo asin estudyanteng na-trauma huli sa makusog na pagtama kan linog sa Mindanao.
Segun kay Teachers Dignity Coalition Chairperson Benjo Basas, sa intrevista kan Bombo Radyo Legazpi na nangapudan sinda sa DepEd na mag-kondusir nin interbensyon sa mga siring kaining isyu sa Mental Health makalihis an “near death experience” kan mga estudyante asin paratukdo.
Sa ibong kaini, hinangaan man niya an pagigin handa asin kalmado kan mga paratukdo, siring man an saindang pagigin resilient ngani inuton an kaligtasan kan mga estudyante.
Dagdag pa ni Basas na laoman na magdadara ini nin devastation sa sektor, orog pang harayo pa an hahabulon pag-abot sa kakulanga sa mga classrooms.
Tinawan doon man niya na kaipuhan digdi an maayos na mga pagpa-plano sa mga espasyo manungod sa seguridad kan mga eskwelahan.
Mientrastanto, padagos an pigsasagibong protesta kan grupo sa Metro Manila ngani ipangapudan sa gobierno an presenteng mga kalagayan kan mga paratukdo.
