LEGAZPI CITY-Pinaglalaoman na malangkaw an singil sa kuryente sa mga konsumidores sa Luzon, Visayas asin Mindanao huli sa paglangkaw kan transmission charge ngonian na bulan kan Agosto.
Segun sa National Grid Corporation of the Philippines (NGCP), nagsakat kaya sa 22.22% an transmission rate para sa July 2026 billing period, poon sa P1.4367 pasiring sa P1.7560 kada kilowatt-hour.
Pangenot na rason kaini an 30.85% na pagtaas sa ancillary services charges, poon P0.7941 pasiring sa P1.0391 kada kilowatt-hour.
Nilinaw kan NGCP na wara ining pigkita sa ancillary services, huli ta direktang ipinapasa an mga bayad sa mga service provider asin iba pang kaukulang entity.
An transmission charge, iyo an bayad sa paghahatod nin kuryente poon sa mga power supplier pasiring sa distribution system, na pigbabayadan sa National Grid Corporation of the Philippines.
