LEGAZPI CITY-Nagpaluwas nin Earthquake Information an Philippine Institute of Volcanology and Seismology (Phivolcs) makalihis mairehistro an sarong linog sa Occidental Mindoro ngonian na aldaw nin Agosto 7, 2026, bandang alas‑10:38 nin pagka-aga.
Segun sa report, nasa magnitude na 5.4 an pagyugo na tectonic an pinag puunan asin may rarom na nasa 14 kilometro.
Natukoy an lokasyon kaini sa 13 kilometro timog‑kanluran kan Mamburao, Occidental Mindoro.
Nairehistro an Intensity V sa Mamburao, Occidental Mindoro asin sa nagkapirang banwaan kan Oriental Mindoro partikularmente na sa Calapan, Naujan, Puerto Galera, San Teodoro, at Victoria.
Intensity IV naman an namatean sa Taal, Batangas asin sa nagkapirang banwaan kan Occidental Mindoro.
Mantang Intensity III an nairehistro sa Quezon City, Batangas City, General Trias sa Cavite, asin San Pedro sa Laguna. Mientras tanto, Intensity II an namatean sa Parañaque, Santa Cruz sa Laguna, asin nagkapirang banwaan kan sa Quezon.
Nasa Intensity I naman an nairehistro sa Caloocan, Malabon, Navotas, Bulacan, Cavite, Batangas, Laguna, Quezon, asin Romblon.
Nagpatanid an Phivolcs na piglalaoman pa an mga aftershocks, kaya pinapayuhan an publiko na magtenir na nakaalerto asin magsunod sa abiso kan lokal na gobierno.
