LEGAZPI CITY-Nagsagibo nin protesta an sarong grupo nin mga paratukdo kan aldaw nin Domingo kasuudma, kasabay kan saindang pangapudan na P15,000 across-the-board na umento sa sweldo asin bilang selebrasyon kan World Teachers’ Day sa Lunes, Oktubre 5.
Segun ki Teacher’s Dignity Coalition Chairperson Benjo Basas, sa intrevista kan Bombo Radyo Legazpi, nagkaigwa nin banal na misa sa Quiapo Church kun sain nagpoon an saindang pangadyi manungod sa saindang mga ipinaglalaban.
Sinabi ni Basas na nagtutubod sinda sa mga katagang “nasa Diyos an awa, nasa tao an gawa” kun kaya nagsasagibo sinda nin misa bilang parte kan saindang pananampalataya.
Makalihis ini, nagsagibo sinda nin halipot na programa sa luwas mismo kan Quiapo Church sa Plaza Miranda, ngani na i-selebrar an World Teachers’ Day asin ipangapudan an haloy ng umento na P15,000 sa saindang sahod.
