LEGAZPI CITY – Pinatutukan ni Tabaco City Mayor Cielo Krisel Lagman-Luistro an drug supply tangarig na makontrol man an demand sa pagbakal kaini kan mga imbwelto sa iligal na aktibidad.
Ini makalihis an haros magkakasunod na operasyon kan pulisya asin Philippine Drug Enforcement Agency (PDEA) kontra sa mga drug personalities sa lugar, dawa sa tahaw kan COVID-19 pandemic.
Sa intrevista kan Bombo Radyo Legazpi, suportado niya an lakdang kan law enforcement units urog na nasa pagtios na alagad may nagkapira pang nakakapalusot sa iligalidad.
Dai man maibitaran ni Luistro na magngalas kun nata sa ibong kan paghihigot, nagigibong makalaog kan mga kontrabando.
Kinalampag man kan alkalde an pag-asikaso digdi asin suhestiyon na kasuhan lugod an mga mapoprobarang nagpapabaya sa trabaho
