LEGAZPI CITY- Hahalion na an idineklarar na state of calamity sa banwaan kan Tiwi, Albay huli sa kakulangan nin suplay nin tubig sa banwaan.
Segun ki Mayor Jaime Villanueva, dae na man kaipuhan an nasambitan na deklarasyon huli ta nagbabalik na man sa normal an suplly nin tubig sa nasambitan na banwaan.
Dugang pa kaini na ginamit an ponbo kan LGU sa pagbakal nin water truck na pwedesir na magamit sa oras nin kadifisilan asin pinaglalaoman na maabot ini anuman na aldaw sa masunod na semana.
Mientrastanto, kinumpirmar man kan alkalde na hasta sa ngunyan igwa pang mga kaharungan na dae pa naibabalik an supply nin kuryente duwang bulan makalihis an panrarapado kan bagyong Nina.
Segun sa opisyal, an mainline an igwa na nin kuryente alagad nagkakaigwa nin problema sa pagkabit nin kuryente sa lambang harong.
Pigkukulan suboot an APEC nin nagkapirang mga materyales siring na sana kan transformer alagad padagos an pagtatrabaho kan mga ini.
Sa presente padagos pa man an iba pang mga programa kan lokal na gobyerno kan Tiwi siring kan pag-andam sa mga maabot na kalamidad.
