Ipigsugo ni Presidente Ferdinand Marcos Jr. ang pagpapataw nin paramientras na price ceiling sa imported rice nganing mapugulan an suboot dae makatarungang paghalangkaw kan presyo sa merkado. Sa irarom kan Executive Order No. 118, itinatakda an maximum retail price na P50 kada kilo para sa imported rice na may 5% broken content. Epektibo ini sa laog kan 30 aldaw.
An lakdang an simbag sa rekomendasyon kan National Price Coordinating Council (NPCC) sa pagsasagibo nin tulos na interbensyon nganing masierto an pagkakaigwa nin abot-kayang bagas mantang pigmamantinir an katatagan kan merkado.
Binanggit sa Executive Order ang Republic Act No. 7581 o ang Price Act na nagtatao nin kapangyarihan sa Presidente na magpaotob kan price ceiling sa basic necessities asin prime commodities laban sa bako makatarungang pagtataas kan presyo, hoarding, profiteering, asin market manipulation.
Tinukoy man an Anti-Agricultural Economic Sabotage Act of 2024 na nagpapataw nin padusa sa smuggling, cartelization, asin iba pang klase nin ng pang-aabuso sa supply kan agrikultural na produkto.
Sinugo an Department of Trade and Industry (DTI) asin Department of Agriculture (DA) na bantayan ang presyo asin siertohon an maauos na pagpapaotob kan kasuguan.
Katabang man an Bureau of Customs sa mas mahigot na inspeksyon laban sa smuggling asin ilegal na pag-angkat kan bagas, mantang an Philippine Competition Commission asin law enforcement agencies an sinugong tutugon sa cartel asin iba pang anti-competitive practices.
