LEGAZPI CITY – Nakatalaang punan sa banwaan kan Daraga an isasagibo kan National Commision of Senior Citizens na payout sa irarom kan RA 11982 o an Expanded Centenarian Act.
Segun ki Daraga Office for Senior Citizens Affairs Head Emma Lofamia sa intrevista kan Bombo Radyo Legazpi na makakaresibi nin P10,000 kada saro an 123 na kwalipikadong Senior Citizen.
Mapoon suboot an payout sa maabot na lunes (November 17), sa oras nin alas-otso nin pagka-aga asin kun dae man makapapasiring sa venue urog na kun may kamatean an dadarahon nasabing kantidad sa harong kan resipyente.
Pigdoon pa kan opisyal na may maray na bentilasyon an lugar na pagsasagibuhan kan payout, may mabantay na mga medic asin nakahanda sinda magtao nin inumong tubig.
Pighayag pa ni Lofamia na kadaklan sa saindang mga Senior Citizen na naka-olay an pig-alokar na an kantidad na saindang mareresibi para sa bulong asin pagkakan sa mga masunod na aldaw.
