LEGAZPI CITY-Mas pinahigot kan mga otoridad an saindang kampanya kontra iligal na droga mantang padagos an pigkakahampang na kalamidad sa rehiyon siring kan ashfall hale sa Mayon unrest.
Segun kay Albay PPO Director Police Colonel Noel Nuñez, sa intrevista kan Bombo Radyo Legazpi na dai man liwat ninda pigpapabayaan an peace and order sa mga lugar.
Dagdag pa kan opisyal na huli sa sitwasyon, pigsasamantala an panahon kan mga ini.
Huli digdi, nadakop sa isinagibong buy bust operation an sarong high value individual kun sain nakumpiskar saiya an haros 1.7 Million na kantidad nin pinagtutubudang shabu.
Sa hiwalay na operasyon, nadakop man an saro pang high value individual na nakuwaan nin haros 250 grams na nagaabot sa 1.7 Million.
Nadakop suboot ini sa tabang kan mga nakaistar sa lugar asin nagsagibo nin planning asin nag-kondusir nin surveillance.
