LEGAZPI CITY-Posibleng itaas liwat sa yellow alert an Luzon grid huli sa manipis na reserbang kuryente ngonian na aldaw nin Biyernes, Mayo 15, 2026.
Segun kay Department of Energy (DOE) Usec. Mario Marasigan, naayos na kan National Grid Corporation of the Philippines (NGCP) an duwang naraot na nasirang transmission lines, partikular an Tayabas-Ilijan asin Ilijan-Dasmariñas 580 kV Transmission Lines.
Huli digdi, nakapagtao na nin suplay an Excellent Energy Resources Units 1 asin 2 kan Batangas na na-isolate kan maraot an Ilijan-Dasmarinas Transmission Line.
Naayos na man an Masinloc Unit 3 na nasa Zambales na nagkaaberya poon kasudma.
Siring man, pighahalat pa kan DOE an detalyadong report kan NGCP mapadapit digdi.
Mientrastanto, sa parte kan Visayas man, ipinaliwanag ni Marasigan na an matinding tag-init an kawsa kan mas hababang kapasidad kan mga power generation facility.
Pig-oobserbaran na man an iba pang pasilidad kan NGCP ngani maagapan sa posibleng mga aberya.
