LEGAZPI CITY-Natapos na an duwang aldaw na summit ni US President Donald Trump asin Chinese President Xi Jinping.
Kaiba ni Trump an nagkapirang mga opisyal kaini kun sain pinag-olayan ninda an pagpapauswag kan seguridad asin kalarakan kan duwang nacion.
Pinag-olayan man ninda an gera sa Iran magin an agawan kan China sa Taiwan.
Huring nagbisita sa China si Trump kan 2017 kun sain ngonian mas pinakusog ninda an relasyon kan duwang nacion.
Enot nang sinabi ni US President na igwang nagkapirang problema na saindang naresolba na dai nagibo kan ibang mga nakaaging lider asin an relasyon kan duwang kampo, mas pinatibay pa.
Marurumduman na nagkaigwa nin iriwal an duwang nacion makalihis na magpaotob an US nin halangkaw na taripa sa mga produkto na hale sa China.
