LEGAZPI CITY-Pig-rekumenda ni dating Sen. Antonio Trillanes IV an pangengenot kan National Bureau of Investigation (NBI) asin Criminal Investigation and Detection Group (CIDG) sa imbestigasyon sa nangyaring pambabadil sa Senado kan banggi nin Miyerkules, Mayo 13.
Segun kay Trillanes, may kakayahan asin resources an mga nasabing ofisina na magsagibo nin hirarom na imbestigasyon sa aktwal na nangyari.
Sa likod suboot kan katotoohan na an mga ahente kan NBI an kaiba sa mga nagpaputok kan badil, laoman man liwat na magsasagibo nin impartial investigation, sa tabang kan CIDG – poon sa forensic report hasta sa mismong pag-trace bago an pangyayari, durante asin makalihis an pambabadil.
Sinabi pa niya na warang kapasidad an Office of the Sergeant-At-Arms na magsagibo nin imbestigasyon enkaso sugoon an Senado na mag-imbestigar.
Nagtutubod an dating senador na dapat na igwang mapanimbag sa nangyaring pagluwas ni Sen. Ronald Dela Rosa poon sa Senate premises sa tahaw kan pagsasairarom sa saiya sa kustodiya kan Senado.
Kaiba na suboot digdi sinda Senate President Alan Peter Cayetano, Office Office of the Sergeant-At-Arms, asin iba pang nakaka-aram sa tuluyang pagluwas kan senador.
