Gadan an sarong indibidwal makalihis pagsasaksakon kan saiyang tugang na lalaki sa Brgy, Wangan, Calinan District, Davao City.
Binisto an nagadan na si Jay Pandian, 34-anyos, mantang an suspek iyo si Jun Pandian, 39 anyos.
Apwera digdi an sinaksak man kan suspetsado an agom kan biktima asin an 11-bulan na aki kaining babaye.
Nagsapo nin lugad sa payo an saiyang agom na si Gerly Linde mantang nagsapo nin lugad sa bitis an aki.
Susog sa imbestigasyon, nagselos an suspetsado kan mahiling kaining magkaibanan an saiyang agom asin tugang kaini sa bar asin inakusaran kan suspetsado na may relasyon an duwa.
Kinomprontar kan suspetsado an saiyang agom asin inakusaran na nagloko siya asin an saiyang tugang.
Nagdulag an agom kan suspetsado kaiba an saindang mga aki.
Makalihis kaini an nagkuwa an suspetsado nin bagong tais na kutsilyo, linaog an harong kan saiyang tugang, asin sinaksak ini mantang nagkakaturog.
Naarestar na an suspek asin nahahampang sa kasong murder asin 2 counts kan frustrated murder.
