LEGAZPI CITY—Sarong aksidente na kinaimbweltohan nin sarong pampasaherong bus asin motorsiklo an nairehistro sa Crossing Bariis, Barangay Sogoy, Castilla, Sorsogon, kan nakalihis na aldaw.
Segun ki MDRRMO Castilla Head Edgar Ardales, sa intrevista kan Bombo Radyo Legazpi, na segun sa saindang nahiling na footage may duwang motorsiklo an magkasunudan kairiba na an pampasaherong bus na parehong pigbabaybay an tinampo pasiring sa Sorsogon, na kun saen an enot na motorsiklo na harani sa bus iyo an enot na iniwasan kan bus.
Asin kan pag-iwas kaini, an saro pang naenot na motorsiklo na maliko sa wala an naabot kan pampasaherong bus.
Tulos man na nirespondehan kan mga otoridad asin dinara sa ospital an biktima, alagad susog sa initial response kan saindang mga personahes nasa kritikal nang sitwasyon an drayber kan motorsiklo.
Mientrastanto, nakapagrehistro na an saindang ahensya nin 22 aksidente ngunyan na taon sa nasambit na banwaan
