LEGAZPI CITY — Nagpapadagos an ipigkokundusir na imbestigasyon kan mga otoridad sa nangyaring robbery hold-up sa banwaan kan Oas, Albay.
Sa ngunyan pighahanap pa kan kapulisan an nasa poco mas o menos sampulong armadong kalalakihan na suspek sa nasambitan na insidente.
Sa intrevista kan Bombo Radyo Legazpi ki PCI Domingo Tapel Jr., hepe kan Oas Municipal Police, dakula an saindang pagtubod na taga-Oas man sana an mga suspek alagad bako pa ini kumpirmado sa ngunyan.
Magigirumduman na linaog kan mga suspek an sarong establishimiento na pig-aarkilahan kan meridian kun sain nagpaputok pa an mga ini nin badil asin tinamaan an biktima na si Tagawili Jacinto.
Sa presente, nagpaparahay na an biktima sa ospital asin naglalaom man an pamilya kaini na tulos na maaarestar an mga responsable sa krimen.
