LEGAZPI CITY—Naarestar an rank 2 regional most wanted person na may kasong panlulugos sa banwaan kan Gubat sa probinsya nin Sorsogon.
Segun Police Lieutenant Colonel Virgil Bibat, an chief of police kan Bulan Municipal Police Station sa intrevista kan Bombo Radyo Legazpi, naarestar an suspetsado sa Sitio Pukdol, Barangay Otavi kan nasambitan na lugar.
An suspetsado may kasong statutory rape na may 4 counts asin warang pigrerekomendang piyansa.
Sinabi kan opisyal na haloy na nindang pigmamanmanan an suspetsado asin sa tabang kan pagtao nin impormasyon kan nagkapirang indibidwal naaraman ninda an lokasyon kaini.
Mientrastanto, nasa kustodiya na kan Gubat MPS an suspetsado para sa magkakanigong disposisyon.
