LEGAZPI CITY — Nasa kustodiya na ngunyan kan Viga Municipal Police an sarong paraoma makalihis maarestar kan mga otoridad sa ikinasang operasyon sa Barangay Inabasan, Sibalom, Antique.
Nabisto an suspetsado na si Wenceslao Tura Aquino, 56-anyos asin residente kan nasambitan na lugar.
Ikinasa an operasyon kan pinagsarong pwersa kan Viga Municipal Police asin Sibalom Municipal Police na nagresulta sa matrayumpong pagkaka arestar sa suspek.
Nahahampang ini sa kasong pagbayolar sa Republic Act 8353 o Anti Rape Law na warang pigrerekomendar na piyansa.
Napag-araman na si Aquino an pigkokonsiderar na rank 1 municipal most wanted person sa banwaan kan Viga huli sa nakomiter kaining krimen.
