LEGAZPI CITY—Arestado kan mga otoridad an Rank 1 Provincial Most Wanted Person kan provincia kan Catanduanes sa Barangay Holy Spirit, Quezon City.
Segun ki Catanduanes Police Provincial Office Public Information Officer Police Lieutenant Colonel Emsol Icawat, sa intrevista kan Bombo Radyo Legazpi, nahahampang an suspek sa kasong four counts nin statutory rape na warang pigrekomendang piyansa asin sarong kaso nin Anti-Violence Against Women and Their Children Act of 2004 na may pigrekomendang piyansa na P2,000.
Segun sa opisyal na duminulag an suspek makalihis na isinunad an kaso kan nakalihis na taon asin basado sa monitoring kan kapulisan nagtago an suspek sa nasabing lugar.
Naarestar ini sa pinagsarong operatiba kan Catanduanes Police Provincial Office asin Quezon City Police District Holy Spirit Police Station 14.
Sa presente, iuuli an suspek sa provincia kan Catanduanes para sa magkakanigong legal na proseso.
Mensahe man ni Icawat sa publiko na makipagkoordinar sa mga kapulisan en kaso may mga impormasyon sa mga wanted persons huli sa dakula suboot ining bagay. Siring man abiso kaini sa mga kaparientes kan wanted persons na engganyaron sinda na hampangon an saindang kaso.
