LEGAZPI CITY– Nagpaluwas nin kasuguan an Provincial Government kan Albay manungod sa termination kan gabos na lideres asin miembros kan Task Force Quarry.
Segun kay Albay Provincial Administrator Engr. Raul E. Rosal, sa intrevista kan kan Bombo Radyo Legazpi na pigimpormaran ninsa an mga miembros kaini huli sa nakukuwang mga kwarta hale sa pagsisingil na nasa P100 o P200.
Babaguhon man suboot kan kasuguan an kalakaran digdi kun sain planong i-revamp asin ibalik an nasabing task force.
Ipapasumiter man an gabos na miembros ni Personal Data Sheet (PDS) ngani hilingon an saindang credentials asin iba pang mga record.
Tatawan man sinda nin sagkod sa lunes ngani makapagsumiter kaini asin an mga may marhay na record sana an makakabalik.
Dugang pa kan opisyal na importante na mabantayan an mga siring kaining kurapsyon bako lang sa quarry kundi sa iba pang mga resources.
Paramientras man na maapektaran an nagkapirang serbisyo kan nasabing task force alagad pigsierto kan opisyal na dai mahahaloy asin maaayos an nasabing problema.
