LEGAZPI CITY-Isasagibo an duwang magkahiwalay na protest rally sa probinsya kan Sorsogon kasabay kan selebrasyon kan ika-40 anibersaryo kan Edsa People Power Revolution sa Pebrero 25.
Segun ki Sorsogon Police Provincial Office Spokesperson Major Arwin Destacamento sa intrevista kan Bombo Radyo Legazpi, na duwang protesta an ikokondusir sa probinsya.
Enot an sarong prayer rally kun sain gaganapon ini poon Milagrosa pasiring sa sports arena asin magsasagibo nin mga programa.
An ikaduwang rally, isasagibo naman sa Irosin, kun sain nagrequest na nin permit sa local government unit.
Dagdag pa niya na isasagibo sa nabanggit na lugar an sarong peaceful rally kaiba an mga religious sector.
Sinabi pa kan opisyal na an mga coordinator kan grupo an kamawotan man an matoninong na protesta kun kaya kadaklan digdi, nag-rerequest nin police visibility asin nakikipag-olay sa mga LGU para sa saindang mga aktibidad.
