Naghuma si Presidente Ferdinand “Bongbong” Marcos Jr. na papanimbagon an mga kasabwat sa pagdulag ni dating dating Bambam Mayor Alice Guo.
Dae maitago kan Presidente an pagkadismaya kan mabaretaan na nakadulag na pasiring sa ibang nasyun si Guo kaiba an saiyang mga kaparientes.
Segun sa Presidente, nagpapahiling sana an insidenteng ini kan korapsyon sa justice system kan Pilipinas na nakakaraot sa imahe kan nasyun.
Huli digdi, sinugo na ni Marcos an mga ahensya kan gobyerno na tutokan an pag-aram sa mga personang posibleng nagtabang kay Guo ngani na makadulag.
Sinugo naman kan Department of Justice asin Department of Foreign Affairs na kanselaron an pasaporte ninda dating Mayor Guo asin tugang kaini na sinda Wesley asin Shiela Guo.
Enot ng sinabi kan Philippine Anti-Organized Crime Commission na posibleng nakadulag sinda Guo sa paagi nin pagbiyahe hali sa Norte o Sulnupang Luzon o sa ibaba kan Mindanao.
