Inakusaran kan Pilipinas an nagkapirang Chinese fishermen nin paggamit nin cyanide sa kadagatan kan Spratly Islands, partikular sa Ayungin Shoal, na haloy nang pinag-aaragawan.
Segun sa National Security Council (NSC), nagpuon an nasabing aktibidad kan nakalihis na taon sa palibot kan Second Thomas Shoal, sarong lugar na importante sa shipping lanes asin mayaman sa likas na yaman.
Sinabi ni NSC Assistant Director General Cornelio Valencia na ang paggamit ng cyanide ay isang uri ng “sabotage” na naglalayong puksain ang mga isda sa lugar, na nagsisilbing pagkain ng mga sundalong Pilipino na naka-deploy sa BRP Sierra Madre.
Dagdag pa kaini na posibleng igwa man na peligro sa salud kan mga suldados huli sa kontaminadong tubig asin pagkaon, asin pwedesir man na makaraot sa coral reefs.
Segun man sa Philippine Navy, nasamsam ninda an dae mababa sa 10 bote nin cyanide hali sa mga bangka na pigkokonektar sa Chinese fishing vessels kan 2025.
Wara man na nai-report na suldadong Pilipino na naapektaran kan nasabing lason.
Pighayag man kan opisyal na an mga mother ships kan mga parasisirang imbwelto an konektado sa Chinese Navy.
Plano man kan gobierno na magsumiter nin report sa Department of Foreign Affairs na pwedesir na magin basehan kan diplomatic protest kontra sa China.
Maduon man na pignegaran kan China an akusasyon asin inapod ining “stunt,” asin sinabing normal sana an pagsisira kan saindang bangka asin sinda pa suboot an pigha-harass kan mga Pilipino sa lugar.
Mientras tanto, pinahigot man kan Philippine Navy asin Philippine Coast Guard an pagbabantay sa lugar ngani na maibitaran an dugang na danyos sa kapalibutan asin mamantenir an seguridad sa nasabing teritoryo.
