Pigsugo ni Presidente Ferdinand Marcos Jr. an Department of Budget and Management asin Department of Education na magtabangan ngani na makapagtao nin mas halangkaw na Service Recognition Incentive sa mga public school teachers.
Napag-araman na mawot kan gobierno na langkawan an SRI kan pigkakarkulong nasa 1,011,800 DepEd personnel hali sa dating P18,000 pasiring sa P20,000.
Pigsugo kan presidente an duwang ahensya na pag-adalan an mga budgetary measures.
Katakod kaini, ipinagpasalamat man ni Education Secretary Sonny Angara an nasabing direktiba na pinagtutubudan na magpapakusog sa morale kan mga paratukdo.
An Service Recognition Incentive an taunan na pinansyal na insentibo na pigtatao sa mga emleyado kan gobierno ngani na tawan pagbisto an dedikasyon kan mga ini sa serbisyo publiko.
