LEGAZPI CITY-Nakikipag-koordinar na an Philippine National Police (PNP) sa manlain-lain na ahensya kan gobierno asin international law enforcement organizations ngani berpikahon an report kan pagkakadakop kay dating Ako Bicol party-list Representative Zaldy Co sa Prague, Czech Republic.
Segun ki PNP Chief Police General Jose Melencio C. Nartatez Jr., pigsasagibo na an beripikasyon sa paagi kan opisyal na mga channel ngani masierto an detalye kaini.
Dagdag pa niya, handa an PNP na magtao nin kinakaipuhan na asistensya asin suporta sa mga legal na proseso, kaiba na an koordinasyon para sa posibleng pagbabalik ni Co sa Pilipinas, kasunod kan pahayag ni President Ferdinand Ferdinand Marcos Jr.
Naenot naman na inihayag kan Presidente na naarestar si Co makalihis suboot ining maglaog sa Czech Republic nin warang bastanteng dokumento asin presenteng nasa kustodiya kan mga otoridad sa nabanggit na lugar.
Si Co, an kaiba sa pigtuturong imbuelto sa mga anomalya sa mga flood control projects sa nacion.
Mientras tanto, sinabi man kan Department of Foreign Affairs (DFA) na wara pa sindang nakukuwang kumpirmasyon o dagdag na impormasyon mapadapit sa nasabing pagkaka-arestar.
