LEGAZPI CITY-Nakatipon nin maabot sa kantidad na P20 milyon an Philippine National Police (PNP) hale sa charity boxing na isinagibo ngonian na domingo.
SEgun kay PNP Chief PGen. Nicolas Torre III nakakolekta an saindang opisina nin labi sa P16.3 milyon na kantidad kan mga donasyon mantang nakaresibe man nin mga bagas, delata asin iba pang relief items hale sa manlain-lain na sponsors.
An nasambitang pondo asin relief items, ipapanao sa mga nasalanta kan mga nakaaging bagyp kung sian naenot nang naipano kan ahensiya sa mga residente sa Baseco Compound na saro sa mga lugar na binaha dara kan padagos na paguuran kan mga nakalihis na aldaw.
Mientrastanto, an iba pang pondo ipigtao sa Department of Social Welfare and Development (DSWD), Philippine Red Cross (PRC) magin sa iba pang organisasyon kan gobierno sa Quezon City.
Sa presente, naipaabot na an mga pangenot na tabamg sa mga ahensiya asin sa nagkapirang mga residente mantang padagos pa man an saindang pagtabang sa mga relief operations an kapulisan bilang tabang sa mga lubos na apektado kan mga kalamidad.
Nagpasalamat man an hepe sa mga nagtabang sa programa magin sa mga sponsors na nagtao nin tabang ngani magin mataryumpo an nasambitang charity boxing match.
